30108-2
Puìši, puìši, kas nu puìšu,
Maitas jója pìguļâ;
Puìši guļ sàtmolâ,
Kuce m..za capurê.

34043-6
Ka maņ beja bollta puķe,
Kur es viņu sádynóšu?
Augstajâ kaļņeņâ
Bolltajâ smèļeitè.
Maņ izauga bollta puķe
Da poším debesím.
Es izkòpu debesîs
Pa tòs puķis zareņím;
Tí atrodu Dìva dálu
Kumèļeņu sadlòjùt.
Lobreiteņ, Dìvs paļeidz,
Kumèļeņu sadlòjùt!
Dìv' déļeņi bròļeļeņi,
Vaj redzèji tàv' ar mòti?
-Tovs tèteits ar màmeņu
Jiùrmalî kòzys dzer.
-Nùsakolu zùbiņeņu
Nu biteišu dzanyugļeņu,
Izrùcèju tàv' ar mòti
Nu deveiņu etsļédzeņu,
Sakopòvu Jiùru mòti
Deveņím gobolím,
Sasatreiņa mallni svòrki
Jiùru mòtis asņeitê.
Oì, tèteit, oi, màmeņ,
Kur byus jùs izmozgót?
-Ti, déļeņ, izmozgósi,
Kur deveiņis upis tak.
-Oì, tèteit, oi, màmeņ,
Kur byus jùs izkaltét?
Tì, déļeņ, izkaļtési,
Obuļ' zídu dòrzeņâ.
-Oì, tèteit, oi, màmeņ,
Kur byus jùs saruļļét?
Tì, déļeņ, saruļļési,
Zalta ruļļis kambarî,
Tí bej divi jumpraveņis,
Ruļļis víni vòkinoi.

29195-5
Paleìdzit jeus, ļaùteņi,
Breìnumam breìnútís:
Ceùka beja òlaùņéca,
Vepram četri sivèneņi.

27319-1
Vaìdi muna mòmúļeņa,
Vaìdi dienu, vaìdi nakti;
Vaìdádama nùvaìdéja
Bolltu smilkšu kalneņâ.

7272-1
Garas zeķes vín adeju,
Kunga dála gaìdédama;
Vaì, Dìveņ, kù daŗešu,
Nòk oròja mòmúleņa.

4262-0
Snòtineite, šnurauceņa ?,
Tei dubļéšu bridèjeņa;
Atraitéte, bòrineite,
Tei osoru traucèjeņa.

3761-2
Tàvs dálam navèléja
Salòpeita kažuceņa;
Kó mòmeņa maitóm vèl
Vysys savys vylnòneitis.

15887-2
Bròlenč mani aicynova:
Nòc, mòseņa, sìvas vest!
As naíšu, bròleleņ,
Cik sen mani pati vede;
Tòs kùrpétes, tós zeķétes,
Vaìnaceņa vín nabeja.

13234-19
Oì, Dìveņ, ratavoi,
Sokós mani atraits jemt!
Karu sovu vainuceņu
Zaļis nídres galeņâ,
Làcu poša azarâ
Raùdivéšu puļceņâ.
Lobók byušu raùdiveite,
Na atraiša ļaùdaveņa,
Na atraiša ļaùdaveņa,
Na pabérņu mòmuļeņa,
Na pabérņu mòmuļeņa,
Gauda vórda dzerdátòja.

13406-1
Gaìd' mòmeņ, i nagaìd'
Eudesneņa neséjeņas;
Vaìnaceņu vín atrodu
Olùteņa maleņâ.